انا دلوقتي عايزة آخد رأيكو في حاجة مش عارفة استقر علي قرار فيها
انا عن نفسي مش مقتنعة بحاجة اسمها الزواج عن طريق النت
وهو مش عن طريق الشركات اللي بتعلن عن نفسها
لا عن طريق التعرف علي النت
انا دلوقتي عندي فرصة الزواج للمرة التانية
واتعرفت علي سخصية معينه
ومحتارة اعمل معاه ايه بعد ما اتعرفنا علي بعض واديته رقم موبايلي
هراني مسيدات ورسايل من النوع الحار جدا
وبصراحة انا اتعودت علي وجوده في حياتي
يمكن علشان انا اتعودت علي وجود راجل في حياتي
يمكن
ويمكن كمان لاني محتاجة وبشدة وجود راجل في حياتي
بس مش علشان يعكر عليا صفوها وهدوئها
علشان لما ابكي الاقيه جنبي مش ابكي منه طبعا
عايزة اكون انثي بمعني كلمه انثي زي لما الناس بتشوفني تقول عليا
عايزة اتأكد من ده
بدأ دلوقتي انا اللي بتصل وبهتم وبسأل وبشتاق
وعذره وحجته انه مشغول
وعدني بشي مش عايزة اقول عليه ومنفذشي وعده
وهو مصر بردو انه بيحبني واني اصبر عليه شوية علشان ينتهي من التزاماته العملية نحو عمله
وبيقسم لي انه بردو بيحبني
مش عارفة آخد قرار في حايتي
في حاجة بتقولي انه كاذب حتي النخاع
والحاجة التانية بتقولي انه ممكن يكون نصف كاذب
انا بحترم فيه الشخصية الجامدةالرجولية التي لا تتنازل عن رأيها مهما حدث
بس بردو عايزة الوفاء بالوعد مما يعبر عن احترامه لي
فهل اصبر عليه
ام انهي العلاقة واقعد كدا من غير جواز احسن
مش عارفة مع العلم اني بيقولو عليا صغيرة مش في السن بس
والحجم ايضا لا يعطيني سني اصلا
وبشعر ان دايما ان الناس بتكدب عليا
مبقاش عندي ثقة في اي مخلوق
فكرت اني ادي الفرصة لناس متعرفنيش ولا شافتني قبل كدا
وتحكم
انا حاسة اني بكرة خيط خياطة رفيع
واتكرت واتعقدت ومعادتش تنفع تاني
عايزة اخرج من اللي انا فيه
ارجوكو ردو عليا0
الساخطة
5 comments:
إذا كان إحساسك بيقولك كاذب حتى النخاع زي مابتقولي .. فرأي إنك تمشي ورا إحساسك اللي ماعتقدش انه خاطئ
الرجالة بتعرف تجامل كويس .. لكن لما تحس انها هاتتورط بتنسحب بس المشكلة فعلا انها مش بتقول .. بتتهرب ولكنها برده بتفضل تجامل وماتقولش الحقيقة
أقصد بالتوريط هنا إنه بيكون عايز يتسلى بكلام حلو فلما يدخل الموضوع في إرتباط بيعتبروه توريط ... فضلا إن الرجل ملول بطبعه وبيكون مشغول بالمرأة في البداية وطالما تجاوبت معه يظهر عنصر الملل لديه
هيا الرجالة كده .. مشكلة نعمل ايه
بصي بأي من الأخر الرجاله دول كدابين وراضعين كدب من صغرهم ، وأوعي تفتكري أن اللي حا تحبيه أو تتجوزيه لماتعيطي حتلاقيه جنبك ، بالعكس دا حايكون أول واحد مبلغ فرار ، وأحنا أجدع منهم ميت مره أحنا اللي صنعنا منهم أسطوره وفي الحقيقه وقت الجد حا تلاقينا أحنا اللي جدعان ورجاله بجد ، شوفي بقي حجه أنه مشغول دي بتتقال كتير لما يكون عايز يخلع ، ويقول أنه موش فاضي وماعندوش وقت ، هما كده يابنتي يقعدوا يجروا ورانا ويتذلوا وبعدين لما يحسوا أننا وقعنا علي بوزنا يقعدوا يلبعبوا بينا
دايما أحساس الأنثي صادق بس بتكدب علي نفسها علشان هي عايزة تفضل عايشه في الحاله اللي نفسها تعيشها ، والحاله دي هي اللي بتخليها تصنع من الرجل اللي بتحبه كامل الأوصاف جدع وشهم وحنين ، ووسيم وماحصلش ، لكن برضه أنت بتيقي فاهمه كويس قوي أنك بتخدعي نفسك ، وهو في الحقيقه عيل وندل وقاسي وشبه القرد أبوصديري
---------------
---------------
حبيت أضحكك شويه علشان أنت واخده الموضوع جد قوي بس اللي قلته لك من خلال خبرتي والحكايات اللي بأسمعها وبأشوفها
-------------
--------------قلبك بيقول كداب يبقي كداب
سابيه أو أتسلي عليه وبكره نصيبك حايجي لحد عندك
--------------ملعون ابوهم كلهم أوساخ
علي فكره ده أسم بوست عندي منزمان ياريتك تدخلي المدونه تشوفيه
http://mkasofa-almaksof.blogspot.com/2006_11_01_archive.html
مكسوفه .. شقير .. عندكم حق والنبى قولولها لحسن دى قالبا الموضوع جد بالأوى جدا
وعامله مناحه
وبعدين ياحبى قولتلك بدل المره مليون صدقينى مايستاهلوش يكونوا محور اهتمامنا
او محور الكون
خلى بالك
تانى
وتالت
وامشى ورا احساسك اللى انتى دايما تقولى انو كداب
لاء الاحساس مش بيكدب حتى لو ماشى من غير دليل
تحياتى الملكيه
Post a Comment