الغرقان محروق
طليقي آل ايه يا اخواتي عايز يرجعني
بعد ما هو اللي كان عايز يطلقني
وطلب فلوس علشان كدا
وحدد الميعاد والزمان
آل ايه بيقول عايز يرجعني
عايزة افهمه اني شيلت من علي ظهري عبارة ( تحت الطلب)بردو مش فاهم
وقت ما يقول روحي اروح
ووقت ما يقول ارجعي ارجع
يا سلام لعبة حلوة اوي اللي بيلعب بيها دي
فاكر نفسه خلاص
خرطه الخراط واتمدد مات
وارجع ليه اصلا
مافيش اي حاجة اتغيرت فيه
لا شاف شغل
ولا عمل شقة
ولا غير حتي قعدته علي القهوة
وكمان انا اللي اتغيرت
بقيت انسانة جديدة
ومايعرفش اني عايزة راجل بجد
والراجل عندي مش بفحولته الراجل عندي ليه مقاييس تانية
مقايسس الراجل العادي الراجل بجد
في كلمته وموقفه وشدته وحسمه وعدم ندمه علي اي قرار ولا خطوة ولا كلمة بيقوم بيها
هو بقي في نظري وفي قلبي مالوش اي سعر
ولا حتي ببلاش
وآل ايه بيهددني انه يعملي سحر
شوفتو والنبي راجل يقول ولا يعمل كدا
رجاله آخر الزمان
